Kev cog lus tshiab hauv Yes Xus cov Ntshav. (The new covenant)
Cov phooj ywg zoo nyiam sawv daws ! Thawj zaj nyeem nyob hauv hnub no, yog nyob hauv phau ntawv Yes Les Mias thiab yog ib co lus tseem ceeb nyob hauv Ntawv Cog Lus Qub. Qhov nco tau uas yooj yim, mas yog nyob hauv Yes Les Mias zaj 31 qib 31. Thov koj muab koj phau Ntawv Ntshiab tawm los thiab saib Yes Les Mias zaj 31 qib 31, muaj lub ntsiab lus zoo no : “Lub hnub nyoog uas kuv yuav nrog His Xas Lais thiab Yus Das cog lus tshiab tuaj yuav txog.” Leej Ntshiab Is Les Nes As hais tias kev nyeem Ntawv Cog Lus Qub uas zoo tshaj yog cov lus cog uas Tswv Ntuj cog rau nws haiv neeg. Rov mus saib lwm lo lus cog uas yog nyob hauv As Das, hauv Nos Hes, Has Nplas Has, Mais Xes thiab Das Vis.
Tas cov lus cog no yog dab tsi ? Tsis yog cog lus yam li sib pauv lag luam, tab sis yog cov lus cog ntawm lub neej txoj sia. Yog tus cag ntawm kev cog lus nyob hauv Ntawv Cog Lus Qub. “Kuv yuav yog koj tus Tswv Ntuj thiab koj yuav yog kuv haiv neeg.”
Cog lus yog hais txog kev sib faib lub neej, yog kev cog lus ruaj khov ntawm kev ua neeg. Tswv Ntuj hais tias : “Kuv yuav ncaj ncees thiab coj ncaj rau koj.” Cov His Xas Lais tab tom hais tias : “Tswv Ntuj ! Peb yuav mloog thiab ncaj ncees rau koj.” Peb paub ntau yam nyob hauv Ntawv Cog Lus Qub, tab sis ntau zaus Ntawv Cog Lus Qub hla txoj cai. Li ntawd, Tswv Ntuj thiaj hais tias : “Kuv yuav rov cog lus tshiab.”
Yam uas Yes Les Mias tab tom xav txog hauv no yog hnub Tswv Ntuj yuav nrog cov His Xas Lais cog lus nyob mus li. Ntxiv ntawm no mus yog qhov tseem ceeb uas yuav tau txais nyob hauv kev cog lus. Lawv yuav luag cog lus nyob hauv Ntawv Cog Lus Qub los ntawm ntshav. Koj sim xav txog Nos Hes seb, thaum Tswv Ntuj nrog Nos Hes cog lus thiab muaj tus zaj ua lub cim cog lus, tab sis nws yog kev cog lus nrog ntshav ntawm Nos Hes. Thaum Has Nplas Has nrog Tswv Ntuj cog lus, Tswv Ntuj kom nws tua txhua hom tsiaj thiab muab txiav ua ob ya. Koj puas nco tau qhov txaus ntshai nyob hauv ntawv Hauv Paus lawm. Has Nplas Has hla cov tsiaj ua muab txiav, thiab muaj nplaim taws cig ua lub cim qhia tias Tswv Ntuj nrog lawv nyob. Lawv hais txog lub tswv yim ntawd thiab tus neeg ntawd hais tias :
“Thov kom yam no tshwm sim rau.”
Muaj dab tsi tshwm sim rau cov tsiaj ntawd ? “Thov kom yam no tshwm sim rau kuv, yog tias kuv hla cov lus cog no.” Tab sis lawv kuj raug cim nrog ntshav.
Sim xav txog Mais Xes seb ! Thaum Mais Xes nqa Tswv Ntuj 10 lo lus cog los, yog cov lus cog nyob ntawm lub roob Xis Nais. Nws sau li cas ? Kev muab cov tsiaj ntau ntau li no, thiab ib txhia kuj raug pov rau saum lub thaj txi Ntuj, ib txhia raug pov rau tsoom pej xeem, nws yog dab tsi ? Nws yog kev sib pauv ntshav, ntshav yog hais txog txoj sia. Cov His Xas Lais hliv ntshav rau Tswv Ntuj, Tswv Ntuj kuj hliv ntshav rau saum cov His Xas Lais. Xav txog 2 tug kwv tij uas koom roj ntsha, yog muab nkawd 2 sab tes hlais thiab muab nkawd cov ntshav los sib tov. Ntawd yog lub tswv yim neeg xav. Tab sis kev cog lus ntawm Tswv Ntuj loj tshaj ntawd.
Kev cog lus yog kev sib txuas hlab ntsha ntawm Tswv Ntuj thiab nws haiv neeg. Sim xav txog kev cog lus uas Tswv Ntuj muab rau Das Vis, nws yog kev cev txim ntau txhiab zaus nyob hauv lub tuam tsev teev Ntuj nyob Yes Lus Xas Les.
Tshuav dab tsi dhau ntawm qhov ntshav tawm los ? Tus neeg txi Ntuj hais tias :
“Thov kom yam no tshwm sim rau kuv.” Kev tuag ntawm cov tsiaj no, “Thov kom yam no tshwm sim rau kuv yog tias kuv rhuav kev cog lus no thiab cov ntshav uas ntws tawm los ntawd yog lub cim cov ntshav ntawm kuv txoj sia. Tswv Ntuj, kuv cov ntshav ntws los rau koj.” Thov kom cov ntshav ntawd ntws mus ntxuav kev txhaum uas yog hnub ntshiab hauv His Xas Lais cov kab ke. Thiab ib tug tsiaj uas nws yuav muab tua, ntshav ntws mus nyob ib ncig tej chaw ntshiab. Tom qab ntawd muab cov nqaij seem tso rau hauv lub tais coj mus pov rau tsoom pej xeem.
Tas cov neeg nyob ntawd hais tias : “Tswv Ntuj, peb muab peb txoj sia tso rau koj.” Thaum tus yaj saub muab cov ntshav ywg tsoom pej xeem, mas yog Tswv Ntuj muab nws txoj sia rau haiv neeg uas nws xaiv.
Li ntawd, Yes Les Mias tus uas txais cov lus cog uas kuv nyuam qhuav hais, nws kuj paub tas cov His Xas Lais tej keeb kwm. Nws tab tom nyob ntawm kev raug cheb ntxuav uas txaus ntshai, vim cov Npas Npis Los tab tom yuav tuaj rhuav lub tuam tsev teev Ntuj nyob Yes Lus Xas Les. Thiab Yes Les Mias hais cov lus nyob hauv ntawv Yes Les Mias zaj 31 qib 31. “Lub hnub nyoog uas kuv yuav nrog His Xas Lais thiab Yus Das cog lus tshiab tuaj yuav txog.”
Tswv Ntuj cov lus yog : “Kuv yuav yog koj tus Tswv Ntuj, koj yuav yog kuv haiv neeg thiab yog qhov kuv xav kom koj ua lub neej.”
Lub Koom Txoos xav kom peb rov xav txog lo lus nyob hauv Yes Les Mias zaj 31 qib 31, vim tam sim no thiab yav tom ntej ze ntawm 60 tawm xyoo suav txij Yes Les Mias tiam neeg los. Peb yuav los npaj pluas hla, uas tus Las Npis thiab nws 12 tug Thwj Tim noj pluas mov hla. Nws cev lub Cim Yug thiab hais tias :
“Nov yog kuv lub Cev uas yuav muab rau nej.” Thiab nws kuj tuav lub ntim cawv, nws hais tias : “Nov yog lub ntim rau kuv cov Ntshav.” Yog cov ntshav yuav ntws los daws nej cov txhaum thiab tas ib zeej tsoom cov txhaum.
Yes Xus yog leej twg ? Nws yog kev sib sau ntawm kev ntshiab huv thiab tib neeg. Nws yog cov lus cog. Vim li ntawd, peb yuav ceev faj. Thaum peb txais Yes Xus lub Cev thiab cov Ntshav, mas lo lus cog nyob hauv peb. Muaj lo lus cog sau tseg nyob hauv peb nruab siab, peb tso Yes Les Mias tseg los txog rau pluas mov kawg thiab tam sim peb los hais txog kev koom ua thaj txi Ntuj. Hauv lub thaj txi Ntuj, yog lub caij uas sawv daws tuaj sib sau tsuj xeeb pawg ntseeg. Yog lub sij hawm zoo uas tau hnov Tswv Ntuj cov lus, hu nkauj ua ke thiab zoo siab kawg. Tab sis nws tsis yog lub plawv ntawm lub thaj txi Ntuj, lub plawv ntawm lub thaj txi Ntuj yog dab tsi ?
Saib Tswv Ntuj tus yaj, tus yaj uas ris tas ntiaj teb neeg cov txhaum. Cov uas lawv raug caw tuaj mus koom leej yaj rooj qav. Ces sawv daws tawm mus txais Yes Xus lub Cev thiab cov Ntshav ib leeg zuj zus. Tswv Ntuj hais tias :
“Lub hnub nyoog uas kuv yuav nrog His Xas Lais cog lus, nws tsis yog zoo li cov lus qub uas sau nyob ntawm daim txiag zeb.”
Peb sau txoj cai nyob hauv peb nruab siab, nws yog qhov tseeb tiag. Peb txhua tus sawv thiab mus txais Yes Xus lub Cev thiab cov Ntshav. Yes Xus kuj sau txoj cai thiab nws txoj kev cog lus nyob hauv peb nruab siab. Qhov ntawd yog qhov tias :
vim li cas koj thiaj xav nyob sov siab ? Koj puas xav nrhiav lub hom phiaj nyob hauv koj lub neej ? Koj los cuag Yes Xus mas ! Koj noj nws lub Cev thiab nws cov Ntshav. Muab nws txoj cai tso nyob hauv koj nruab siab, ces txhua yam loj thiab tseem ceeb ntawm Tswv Ntuj raug nthuav tawm thiab ua tiav.
Thov Tswv Ntuj foom hmoov zoo rau koj !
